Ծնող / Երեխայի օրինական խնամակալ

«Նուբարյան Լաբ» ՍՊԸ (այսուհետ՝ «մենք», «մեզ», «մեր») հարգում է Ձեր գաղտնիության իրավունքը և հետևում է «Անձնական տվյալների պաշտպանության մասին» ՀՀ օրենքին։ Մենք տրամադրում ենք այս Ծանուցումը՝ Ձեզ՝ որպես երեխայի ծնող կամ օրինական խնամակալ (այսուհետ՝ «Ծնող») տեղեկացնելու երեխաների վերաբերյալ մեր տեղեկատվական գործելակերպերի մասին և ստանալու Ձեր հաստատված համաձայնությունը՝ ինչպես ավելի մանրամասն նկարագրված է այս Ծանուցման մեջ։

«Անձնական տվյալների պաշտպանության մասին» ՀՀ օրենքի համաձայն անձնական տվյալները մշակելու համար պարտադիր պահանջվում է ստանալ ծնողի կամ օրինական խնամակալի համաձայնությունը մինչև 16 տարեկան բոլոր երեխաների համար՝ երեխաների անձնական տեղեկատվության գաղտնիության ավելի բարձր պաշտպանություն ապահովելու նպատակով։ Սույն Ծանուցումը Ձեզ ներկայացնում է ամփոփ տեղեկատվություն այն մասին, թե ինչպես և ինչ նպատակներով է Ձեր երեխայի անձնական տեղեկատվությունը հավաքվելու, օգտագործվելու և պահպանվելու, ինչպես նաև՝ ինչպես կարող եք տրամադրել Ձեր համաձայնությունը նման գործողությունների համար։

Ձեր երեխայից հավաքելու նախատեսվող անձնական տեղեկատվության տեսակները ներառում են՝ ամբողջական անունը, ծննդյան ամսաթիվը, սեռը, երեխայի թեստավորման ընթացքի տեսաձայնագրությունները, որոնք կարձանագրեն նրա պատասխանները, գործողությունները, փոխազդեցությունները և վարքագիծը գնահատման ընթացքում, ինչպես նաև այդ տեսաձայնագրություններից ստացված պատկերները և ձայնային ֆայլերը (այսուհետ՝ «Անձնական տեղեկատվություն»)։

Մենք կարող ենք օգտագործել Ձեր երեխայի Անձնական տեղեկատվությունը հետևյալ նպատակներով․

Ծառայության մատուցում։ Մենք օգտագործում ենք Անձնական տեղեկատվությունը՝ Ձեր կողմից պահանջված Ծառայությունը մատուցելու, Ծառայությունը գնահատելու և բարելավելու, ինչպես նաև անհատականացված և ճշգրիտ թեստավորման արդյունքներ տրամադրելու համար։
Երեխայի հաշվի ստեղծում և պահպանում։ Անձնական տեղեկատվությունը անհրաժեշտ է Ձեր երեխայի հաշիվը ստեղծելու համար՝ Ծնողի հաշվի ներքո։ Այն պահվում է մեր համակարգում՝ Ծառայության մատուցումն ապահովելու և Ձեր վերադարձը Ծառայություն պարզեցնելու նպատակով։ Սա թույլ է տալիս կրկին օգտվել Ծառայությունից առանց տեղեկատվությունը կրկին մուտքագրելու և արագացնել նոր պատվերների մշակումը, որոնք համապատասխանում են Ձեր երեխայի տարիքին, ինչպես նաև ապագայում ավելացնել լրացուցիչ հնարավորություններ։ Օրինակ՝ դա կարող է ներառել հետագա թեստավորմանը մասնակցելը ավելի մեծ տարիքում՝ թեստերի հաջորդ տարիքային խմբում, կամ նոր ծառայություններից օգտվելը։
Անվտանգության ապահովման և խարդախության կանխման նպատակով։ Օրինակ՝ մեր Ծառայության և Ձեր հաշիվների անվտանգությունը պաշտպանելու, Անձնական տեղեկատվության կորստի, չարտոնված հասանելիության կամ բացահայտման կանխման, ինչպես նաև խարդախության և մեր Ծառայության այլ տեսակի չարաշահումների, ցանկացած օրենքների, կանոնակարգերի կամ քաղաքականությունների խախտումների, ինչպես նաև մեր Ծառայության պայմանների կամ քաղաքականությունների խախտումների հայտնաբերման և կանխման համար։
Երեխայի ինքնության հաստատում։ Անձնական տեղեկատվությունը անհրաժեշտ է երեխայի ինքնությունը հաստատելու համար։ Օրինակ՝ ապահովելու, որ նույն երեխան սկզբից մինչև վերջ անցնի թեստավորումը։
Իրավական նպատակներով։ Օրինակ՝ մեր իրավական պարտավորությունները կատարելու, իրավական կամ կարգավորող պահանջներին համապատասխանությունը ապահովելու, ինչպես նաև մեր օգտատերերի, «Նուբարյան Լաբ» ՍՊԸ-ի կամ երրորդ անձանց իրավունքները, գաղտնիությունը, անվտանգությունը կամ գույքը պաշտպանելու համար։
Ձեզ աջակցություն և օգնություն տրամադրելու նպատակով՝ կապված մեր Ծառայության օգտագործման հետ։ Օրինակ՝ տեխնիկական խնդիրները լուծելու և անհրաժեշտության դեպքում հաճախորդների աջակցություն տրամադրելու համար։
Մեր Ծառայության զարգացման և բարելավման նպատակով։ Օրինակ՝ նոր գործառույթներ մշակելու կամ գործող գործառույթները բարելավելու, ինչպես նաև մեր ԱԲ մոդելները ուսուցանելու համար։

Մենք չենք օգտագործի Ձեր երեխայի Անձնական տեղեկատվությունը որևէ այլ նպատակով առանց Ձեր լրացուցիչ համաձայնության։

Վերոնշյալ նպատակներով մենք կարող ենք տրամադրել որոշ ողջամտորեն անհրաժեշտ Անձնական տեղեկատվություն հետևյալներին՝

(i) մեր ծառայություն մատուցողներին և կապալառուներին՝ բացառապես մեր անունից սահմանափակ գործառույթներ իրականացնելու նպատակով։ Այս անձինք կարող են ապահովել նման տեղեկատվության գաղտնիությունը, անվտանգությունն ու ամբողջականությունը և տրամադրում են համապատասխան երաշխիքներ, որ այն կպահպանեն այդ ձևով,
(ii) իրավական նպատակներով, ներառյալ՝ պետական մարմիններին բացահայտումը, երբ դա պահանջվում է օրենքով,
(iii) փոխկապակցված ընկերություններին կամ բիզնեսի փոխանցման հետ կապված դեպքերում։ Մենք չենք բացահայտում Անձնական տեղեկատվությունը նման կողմերին նրանց սեփական առևտրային կամ մարքեթինգային նպատակների համար։

Մենք չենք իրականացնում «պրոֆիլավորում», որը օգտագործում է Ձեր երեխայի Անձնական տեղեկատվությունը՝ ավտոմատ որոշումներ կայացնելու համար, որոնք առաջացնում են իրավական հետևանքներ կամ այլ նման նշանակալի ազդեցություններ։

Մենք չենք վաճառում, փոխանակում, վարձակալության չենք տրամադրում և որևէ այլ կերպ շահույթ չենք ստանում երեխայի Անձնական տեղեկատվությունից՝ այն փոխանցելով երրորդ անձանց։ Մենք նաև չենք փոխանցում, տրամադրում կամ հասանելիություն չենք ապահովում այդ տեղեկատվությանը որևէ ֆինանսական կամ այլ արժեքավոր փոխհատուցման դիմաց (ինչպես սահմանված է կիրառելի օրենքներով)։

Մենք չենք դարձնում երեխայի Անձնական տեղեկատվությունը հանրամատչելի և այն չենք բացահայտում երրորդ անձանց՝ երեխայի հետ կապ հաստատելու նպատակով, ներառյալ վարքագծային գովազդի միջոցով, կամ երեխայի վերաբերյալ պրոֆիլ ստեղծելու համար։

Մենք կպահպանենք Անձնական տեղեկատվությունը այնքան ժամանակ, որքան անհրաժեշտ է այս Ծանուցման և մեր Գաղտնիության քաղաքականության մեջ նշված նպատակները իրականացնելու համար, բացառությամբ այն դեպքերի, երբ ավելի երկար պահպանման ժամկետ է պահանջվում՝ իրավական պարտավորություններին, կարգավորող պահանջներին կամ անվտանգության նպատակներին համապատասխանելու համար։ Անձնական տեղեկատվությունը կպահպանվի անվտանգ սերվերներում՝ կիրառելով ողջամիտ անվտանգության միջոցներ՝ այն կորստից, չարաշահումից, չարտոնված հասանելիությունից, բացահայտումից, փոփոխումից կամ ոչնչացումից պաշտպանելու համար։ Այս միջոցները ներառում են, սակայն չեն սահմանափակվում՝ կոդավորումը, անհրաժեշտության և հնարավորության դեպքում տվյալների ապանձնավորումը կամ անանունացումը, ինչպես նաև այլևս անհրաժեշտ չլինող տվյալների ջնջումը։

Գնել թեստը

Թեստը՝ որպես նվեր

Գնել թեստը

Թեստը՝ որպես նվեր